Səudiyyə Ərəbistanının Xarici İşlər Nazirliyi İran ilə ABŞ arasında hərbi qarşıdurmaların dayandırılması və daimi razılaşmaya nail olmaq məqsədilə danışıqların başlanması barədə əldə olunan razılaşmanı alqışlayıb.
ArazNews-un məlumatına görə, Səudiyyə Ərəbistanı Xarici İşlər Nazirliyinin yaydığı bəyanatda Ər-Riyadın Vaşinqton və Tehran arasında hərbi əməliyyatların dayandırılması və qarşıdakı 60 gün ərzində ətraflı danışıqların aparılması barədə əldə olunan razılaşmanı dəstəklədiyi bildirilib.
Səudiyyə Ərəbistanı eyni zamanda vurğulayıb ki, uzunmüddətli və davamlı hər hansı razılaşma bölgə ölkələrinin təhlükəsizlik maraqlarını nəzərə almalı və digər dövlətlərin daxili işlərinə qarışmamaq prinsipinə əsaslanmalıdır.
Bu mövqe İran və ABŞ arasında aparılan danışıqların və onların Yaxın Şərqin təhlükəsizliyinə mümkün təsirlərinin bölgə ölkələri tərəfindən diqqətlə izlənildiyi bir dövrdə açıqlanıb.
