Xatəmül-Ənbiya Mərkəzi Qərargahının komandanı ABŞ-a xəbərdarlıq edərək bildirib ki, İrana qarşı hücumlar təkrarlanarsa, Tehran daha sərt cavab verəcək və qarşıdurmanın miqyası genişlənəcək.
ArazNews-un Tasnim-ə istinadən verdiyi məlumata görə, o, ABŞ siyasətini tənqid edərək bildirib ki, Vaşinqton bir tərəfdən danışıqlardan danışır, digər tərəfdən isə hərbi addımlar atır. Onun sözlərinə görə, bu yanaşma bölgədə gərginlik və təhlükəsizliyə təhdidləri artırır.
Xatəmül-Ənbiya Qərargahının komandanı həmçinin ABŞ-ın İranın neft infrastrukturuna qarşı son təhdidlərinin bölgənin enerji təhlükəsizliyi üçün nəticələr doğura biləcəyini qeyd edib.
O xəbərdarlıq edib ki, hücumlar davam edərsə, İranın cavabı daha sərt olacaq və əlavə edib: “Ya neft və qaz ixracı hamı üçün mümkün olacaq, ya da heç kim üçün mümkün olmayacaq.”
