«اینتیسمِران اوتوژن» آدلی واکسن، «امآرانآ» تکنولوژیسیله هر خسته اوچون اؤزل اولاراق و اونون شیشیندهکی ژنتیک دَییشیکلر اساس آلیناراق حاضیرلانیر. آماج، ایمون سیستمینین آینی دَییشیکلری داشییان سرطان حوجرهلرینی تانیماغی و هدف آلماغیدیر.
مرک و مودرنا بیلدیریبلر، جراحی ایله شیشی چیخاریلان، آنجاق خستهلیگین یئنیدن قاییتما ریسکی هله یوخاری اولان میندن چوخ خستهنین قاتیلدیغی بؤیوک بیر سیناقدا، بو واکسن کانسئرین قاییتما و یاییلما ریسکینی آزالتماغا یاردیم ائدیب.
اوزمانلار بو نتیجهلری «امآرانآ» تکنولوژیسی اوچون اؤنملی بیر آدیم ساییرلار. سونراکی آراشدیرمالار دا اوغورلو اولارسا، شخصیه اؤزل آشیلارین باشقا کانسئر تورلرینین درمانیندا دا قوللانیلماسینین یولو آچیلا بیلر.
