ABŞ Maliyyə Nazirliyi yeni sanksiyalar mərhələsində İslam Respublikasının neft gəlirlərini köçürməkdə ittiham olunan bir sıra bankı, valyuta mübadiləsi məntəqəsini, şirkəti və vasitəçini hədəfə alıb. Bu addım Vaşinqtonun «iqtisadi təcrid» əməliyyatının bir hissəsidir.
ABŞ Maliyyə Nazirliyinin məlumatına görə, «Mellat» və «Şəhr» banklarına bağlı iki ofşor bank, bir neçə valyuta mübadiləsi məntəqəsi, eləcə də neft satışı ilə əlaqəli maliyyə şəbəkəsi sanksiya siyahısına daxil edilib. Vaşinqton bildirir ki, bu şəbəkələr valyuta, qızıl və neft gəlirlərini köçürmək üçün Honkonq, Birləşmiş Ərəb Əmirlikləri və Türkiyədəki paravan şirkətlərdən istifadə ediblər.
ABŞ Maliyyə Nazirliyinin İslam Respublikasının ən mühüm neft satışı vasitəçilərindən biri kimi təqdim etdiyi Ruhullah Rəzəvi də sanksiyaya məruz qalıb. Nazirliyin sözlərinə görə, Rəzəvi İranın neft ixracına blokada tətbiq olunmazdan əvvəl Milli Neft Şirkəti və «Naftiran Intertrade» üçün hər ay milyonlarla barel neft daşıyır, bunun gəlirini isə gizli bank şəbəkələri vasitəsilə İrana qaytarırdı.
