Axios-un məlumatına görə, Benyamin Netanyahu son iki həftə ərzində Donald Trampla bir neçə dəfə telefonla danışıb. Bu danışıqlarda İranda geniş miqyaslı əməliyyatların bərpası müzakirə olunub. Amerika nəşrinin yazdığına görə, tərəflər ABŞ və İsrailin İslam Respublikasının hərbi və nüvə hədəflərinə qarşı birgə əməliyyat keçirməsi ehtimalını nəzərdən keçiriblər.
Netanyahu İslam Respublikasının nüvə proqramını bərpa etmək cəhdlərindən narahat olduğunu bildirib. İsraili ən çox narahat edən «Kolanq dağı» adlı ərazidə uranın zənginləşdirilməsi ehtimalıdır.
Tramp kabinetinin yüksək vəzifəli üzvləri oktyabrın 2-də Kemp-Devid iqamətgahında hücumların bərpasını müzakirə ediblər. İsrailli rəsminin sözlərinə görə, Tramp əvvəlcə hücuma meyilli olub, lakin sonra tərəddüd edib. ABŞ-ın müharibə naziri Pit Heqset və CENTCOM komandirləri hücumun ən qətiyyətli tərəfdarları sırasındadır. Lakin Trampın müşavirlərinin əksəriyyəti iqtisadi təzyiqin davam etdirilməsinə üstünlük verir və bu təzyiqin «günbəgün daha yaxşı nəticə verdiyini» deyir.
