Axios-un məlumatına görə, Trampın elçiləri Stiv Uitkoff və Cared Kuşner cümə axşamı Berlində Qətərin yüksək vəzifəli rəsmiləri ilə görüşüblər. Görüşün mövzusu ABŞ ilə İslam Respublikası arasında vasitəçilik olub. Qətərin baş naziri Şeyx Məhəmməd bin Əbdürrəhman Al Sani də bu görüşdə iştirak edib.
Qətər bir neçə həftədir ki, atəşkəsin yenidən bərqərar edilməsi, nüvə danışıqlarının bərpası və müharibənin yenidən başlamasının qarşısının alınması üçün səy göstərir. Al Sani bir həftə əvvəl Türkiyədə İslam Respublikasının xarici işlər naziri Abbas Əraqçi ilə görüşmüşdü. Tehrandan texniki nümayəndə heyəti də bu həftə Dohaya gedib. Axios-un yazdığına görə, bu səfərlər indiyədək mühüm irəliləyişlə nəticələnməyib.
Tramp Axios-a bildirib ki, İslam Respublikası ilə müharibədə növbəti addımla bağlı qərarı 2027-ci il başlamazdan əvvəl verməyəcək. O, İslam Respublikasının rəhbərlərini «çox şər bir qrup» adlandırıb və onların nüvə silahı əldə etməməli olduğunu deyib.