"Voyager 1" kosmik aparatı 18 noyabr, çərşənbə günü Yerdən bir "işıq günü" məsafəsinə çatacaq. Bundan sonra işıq sürəti ilə hərəkət edən bu aparatın radiosiqnalının Yerə çatması 24 saat çəkəcək. NASA "Voyager 1"i bu məsafəyə çatan insan əli ilə yaradılmış ilk obyekt hesab edir.
Bu məsafə təxminən 25 milyard 900 milyon kilometrdir. "Voyager 1" 1977-ci ildə kosmosa buraxılıb və 2012-ci ildə ulduzlararası fəzaya daxil olan ilk kosmik aparat olub.
Aparatın enerjisi azalır və NASA enerjiyə qənaət etmək üçün onun elmi cihazlarının əksəriyyətini söndürüb. Kosmik şüaları ölçən cihaz 2025-ci ilin fevralında, aşağı enerjili yüklü hissəciklər cihazı isə 2026-cı ilin aprelində söndürülüb. Hazırda "Voyager 1"in üzərində yalnız maqnitometr və plazma dalğalarını ölçən cihaz işləyir.
