SpaceX şirkətinin Texasdakı buraxılış qülləsinin nəhəng mexaniki qolları orbitdən qayıdan Starship kosmik gəmisini ilk dəfə havada tutub. Kosmik gəmi noyabrın 14-də, şənbə günü, orbitdə 22 saat qaldıqdan sonra bir gün əvvəl buraxıldığı qülləyə geri qayıdıb.
«Artemis» missiyasının astronavtlarını Starship vasitəsilə Aya endirmək üçün milyardlarla dollar xərcləyən NASA bu uğuru alqışlayıb. ABŞ-ın müharibə naziri Pit Heqset də X sosial şəbəkəsində İlon Maskı «böyük amerikalı» adlandırıb.
