İran futbol yığmasının təyyarəsi noyabrın 10-da, çərşənbə axşamı Bəsrə hava limanına enə bilməyib. İraqın Mülki Aviasiya İdarəsi ABŞ-ın İslam Respublikasının aviaşirkətlərinə qarşı tətbiq etdiyi sanksiyalara istinad edərək enişə icazə verməyib. İslam Respublikasının Bəsrədəki konsulluğunun rəsmisi bildirib ki, təyyarə Abadana geri qayıdıb, futbolçular isə Şələmçə sərhəd-keçid məntəqəsindən quru yolla İraqa daxil olublar.
İraq Mülki Aviasiya İdarəsinin rəsmisinin sözlərinə görə, Bağdad ABŞ sanksiyalarını pozmaq riskini qəbul edə bilməz. Milli komanda İraq, Livan və Fələstinin iştirak etdiyi dördtərəfli turnirdə çıxış etmək üçün Bəsrəyə gedib və noyabrın 14-də, şənbə günü Fələstin yığması ilə qarşılaşacaq.
ABŞ daha əvvəl sentyabrın 23-dən etibarən İran aviaşirkətləri ilə əməkdaşlığı davam etdirəcək xarici şirkətləri sanksiyalarla hədələmişdi. ABŞ-ın maliyyə naziri Skott Bessent bu şirkətlərə xidmət göstərən hava limanlarının dollar maliyyə sistemindən kənarlaşdırılacağı barədə xəbərdarlıq etmişdi. İraq avqust-sentyabr aylarında da İran aviaşirkətlərinin Bağdad hava limanına uçuşlarını dayandırmışdı.
