ABŞ dövlət katibi Marko Rubionun sözlərinə görə, İslam Respublikasına qarşı iqtisadi sanksiyalar və dəniz blokadası «o qədər effektiv olub» ki, Trampın geniş miqyaslı hərbi hücuma ehtiyacı yoxdur. Rubio noyabrın 10-da, çərşənbə axşamı Parisdə G7 ölkələrinin xarici işlər nazirlərinin görüşünün kənarında əlavə edib ki, Tehrana iqtisadi təzyiq daha da artacaq.
O, İslam Respublikası qırmızı xətləri keçəcəyi təqdirdə ABŞ ordusunun cavab verməyə hazır olduğunu deyərək xəbərdarlıq edib, lakin bu xətlərin nədən ibarət olduğunu açıqlamayıb. ABŞ dövlət katibi Tehranın danışıqlardakı şərtlərini «qeyri-məntiqi» adlandırıb və bildirib ki, Tehranın gərginliyi artırması «çox ağır qiymətə» başa gələcək.
G7-nin diplomatik mənbələri bildirib ki, Rubio İslam Respublikasının rəsmilərini «dəli» adlandırıb. Tramp bir gün əvvəl Qətərin baş naziri ilə görüşdən sonra region ölkələrinin xahişi ilə yeni hücumları təxirə salıb, lakin İranın dəniz blokadasının davam etdiriləcəyini vurğulayıb.
