Reuters-in məlumatına görə, Çin ABŞ ilə İran arasındakı müharibənin necə başa çatacağının müəyyənləşdirilməsində daha böyük rol oynamaq istəyir. Çinin xarici işlər naziri İslam Respublikası və Səudiyyə Ərəbistanının rəsmiləri ilə görüşüb. Si Cinpin də Omanın rəhbəri ilə sülh məsələsini müzakirə edib. Pekin isə elə bu ay hər üç ölkəyə nümayəndə göndərməyi planlaşdırır.
Çin ötən il İslam Respublikasının dəniz yolu ilə ixrac etdiyi neftin 80 faizdən çoxunu alıb. Müharibə hazırda Çinin enerji təchizatını pozub. Reuters-in yazdığına görə, İran neftini alması Pekinə nəzarət deyil, təsir imkanı verir. Bundan əlavə, Çinin Körfəzin ərəb ölkələri ilə illik ticarət dövriyyəsi təxminən 300 milyard dollardır.
Pekin 2023-cü ildə Səudiyyə Ərəbistanı ilə İslam Respublikası arasında münasibətlərin bərpasına kömək edib. O zaman hər iki tərəf razılaşmaya hazır idi. Lakin bu dəfə ABŞ və İsrail münaqişənin birbaşa tərəfidir, sülhə dair yeni səylərə isə Qətər rəhbərlik edir.
