ABŞ-ın bir neçə Yaxın Şərq ölkəsindəki səfirlikləri regional gərginliyin artması ilə əlaqədar Amerika vətəndaşlarını «ayıqlığı artırmağa», eləcə də uçuşların ləğvinə, hava məkanının bağlanmasına və səfərlərdə yarana biləcək fasilələrə hazır olmağa çağırıb.
Vaşinqton husilərin Səudiyyə Ərəbistanına qarşı hücumlarını xatırladaraq toqquşmaların sürətlə genişlənə biləcəyi barədə xəbərdarlıq edib. Bildirilib ki, İslam Respublikası və ya onun dəstəklədiyi qruplar regionda və dünyanın digər yerlərində ABŞ-ın maraqlarını, eləcə də ABŞ ilə əlaqəli şirkət və qurumları hədəfə ala bilər.
Oxşar xəbərdarlıqlar ABŞ-ın regiondakı bir neçə diplomatik nümayəndəliyi tərəfindən də yayılıb. Vətəndaşlardan uçuşların vəziyyətini izləmələri və fövqəladə hallar üçün alternativ plan hazırlamaları xahiş olunub.
