Ukrayna PUA-ları ötən gecə Rusiyanın Rostov-na-Donu şəhərində Don çayı üzərindəki hərəkətli dəmir yolu körpüsünə hücum edib. Hücumun hədəfi Rostov–Bataysk körpüsünün qaldırıcı mexanizmi olub. Rusiyanın şimaldan cənuba uzanan əsas dəmir yolu xətlərindən birində qatarların hərəkəti dayandırılıb.
Hücum nəticəsində körpü dağılmayıb, ona dəyən ziyanın müvəqqəti olduğu bildirilir.
Eyni hücum dalğası zamanı Novoşaxtinsk neft emalı zavoduna məxsus neft yükləmə terminalı da hədəfə alınıb. Terminalda şəhərin hər yerindən görünən böyük yanğın baş verib. Azov limanında isə iki gəmi zədələnib.
