Tehran birjası bugünkü əməliyyatlarda yenidən mənfi zonaya keçib, eyni zamanda səhm və investisiya fondlarından yüz milyardlarla tümən fərdi investor kapitalı çıxıb.
Araz News-un İRNA-ya istinadən xəbər verdiyinə görə, birjanın ümumi indeksi 36 min bənd düşərək 7 milyon 771 min bəndə enib. Bərabər çəkili indeks də təxminən 6 min bənd azalıb.
Yayılan məlumatlara görə, indiyədək səhmlərdən, üstünlük hüquqlarından və səhm fondlarından təxminən 730 milyard tümən, sabit gəlirli fondlardan isə 705 milyard tümən fərdi investor kapitalı çıxarılıb.
Alqı-satqı zamanı bazar simvollarının 58 faizi mənfi zonada olub. Eyni zamanda bəzi neft emalı şirkətlərinin simvolları üzrə ticarət dayandırılıb, əməliyyatların böyük hissəsi isə bank və dəmir-polad qruplarına yönəlib.
