Livanın «Newsalist» saytı xəbər verib ki, Beyrut və Tehran arasında siyasi gərginliyin artmasından sonra Livan Prezidenti Jozef Aun və ölkənin Baş naziri Navaf Salama qarşı mümkün təhlükəsizlik təhdidləri barədə xəbərdarlıqlar Avropa kanalları vasitəsilə Livan rəsmilərinə çatdırılıb.
Yüksək rütbəli bir diplomata istinadən yayılan məlumata görə, Avropanın təhlükəsizlik qurumları Livanın iki yüksək vəzifəli rəsmisinin həyatına qarşı təhdid ehtimalını göstərən narahatedici əlamətlər əldə edib.
Diplomat iddia edib ki, təhlükəsizlik qiymətləndirmələri bu narahatlıqları İran İslam Respublikasının Livan rəsmilərinin mövqelərindən, xüsusilə Hizbullahın rolu və Livan dövlətinin suverenliyi ilə bağlı mövqelərindən narazılığının artması ilə əlaqələndirir.
