İşçilər və təqaüdçülər ərzaq kuponunun (kalabərq) məbləğinin mehr ayında artırılması ilə bağlı vədin yerinə yetirilməməsini tənqid edərək bildiriblər ki, güzəranla bağlı ağır vəziyyətə baxmayaraq, İslam Respublikası hökuməti hələ də artımın həcmi və bu layihədən kimlərin yararlanacağı barədə yekun qərar qəbul etməyib.
İLNA-nın məlumatına görə, bir sıra işçilər və təqaüdçülər deyiblər ki, hökumət və Əmək Nazirliyinin rəsmiləri ötən həftələr ərzində ərzaq kuponunun mehr ayında artırılacağını bəyan etmişdilər, lakin indi bu vədin icrası yenidən təxirə salınıb.
Əmək Nazirliyinin rifah məsələləri üzrə müavini Yaqub Əndayiş də hökumətin iqtisadi komandasının kuponun məbləğinin nə qədər artırılacağı və bu layihədən yararlanacaq şəxslərin sayı barədə hələ yekun razılığa gəlmədiyini təsdiqləyib.
Bu qeyri-müəyyənliyi tənqid edən işçilər və təqaüdçülər bildirirlər ki, yoxsulluğun genişləndiyi və alıcılıq qabiliyyətinin azaldığı bir şəraitdə hətta bu məhdud dəstəyin artırılmasının gecikdirilməsi də aztəminatlı ailələrin üzərindəki yükü daha da ağırlaşdırır.
