«Tayfun Blok-4» raketinin yaxın vaxtlarda Türkiyə Silahlı Qüvvələrinin arsenalına əlavə olunacağı gözlənilir. Bu raketlə Türkiyə hipersəs ballistik raket imkanına malik ilk NATO üzvü olacaq. «Tayfun Blok-4»ün uçuş məsafəsinin 1000 kilometrdən çox olacağı proqnozlaşdırılır.
Raket Türkiyənin raket istehsalı şirkəti olan «Roketsan» tərəfindən hazırlanıb. «Tayfun Blok-4» koordinatlara əsaslanan idarəetmə sistemi ilə hədəfə yönəlir və çoxməqsədli döyüş başlığına malikdir. Raket «Tayfun» buraxılış sistemindən atılır.
