İslam Respublikasının xarici işlər naziri Abbas Əraqçi Tehranın vasitəçilər vasitəsilə ABŞ-a plan təqdim etdiyini açıqlayıb. Onun sözlərinə görə, müəyyən edilmiş şərtlər qəbul olunarsa, bu plan 7 gündən sonra Hörmüz boğazının açılmasına və danışıqların bərpasına gətirib çıxaracaq.
Əraqçi Qərb mediasına müsahibəsində bildirib ki, bu plan Vaşinqton razılıq verən kimi icra oluna bilər. Onun sözlərinə görə, Tehranın irəli sürdüyü şərtlər tərəflər arasında əvvəlki anlaşmalardan kənara çıxmır.
Əraqçi deyib: «Biz vasitəçilər vasitəsilə ABŞ-a plan təqdim etmişik. Müəyyən şərtlər yerinə yetirilərsə, Hörmüz boğazı 7 günün sonunda açılacaq və danışıqlar bərpa olunacaq».
O, həmçinin qeyd edib ki, Tehranın şərtlərindən biri Hörmüz boğazından keçən dəniz tranzit marşrutunun qəbul edilməsidir. Onun sözlərinə görə, İran və Oman bu barədə razılığa gəliblər.
