Xəlxal şəhərinin fərmandarı bu şəhərin 35 kəndində su gərginliyinin davam etdiyini bildirib və qeyd edib ki, hazırda bu ərazilərin sakinlərinin içməli su tələbatı səyyar sisternlər vasitəsilə ödənilir.
Hüseyn Vətəndust bu şəhərin su ehtiyatlarının vəziyyətinə toxunaraq deyib ki, su gərginliyi olan kəndlərdə içməli su sistern vasitəsilə paylanılır, zəruri hallarda isə sakinlərə bağlanmış (butulkalanmış) su verilir.
Xəlxal fərmandarının sözlərinə görə, kredit vəsaitlərinin çatışmazlığı və maliyyə məhdudiyyətləri bu ərazilərdə infrastruktur layihələrinin həyata keçirilməsi və su təchizatı layihələrinin tamamlanması qarşısında ən mühüm maneədir. O vurğulayıb ki, susuzluq probleminin daimi həlli üçün maliyyə mənbələrinin ayrılması və müvafiq tikinti layihələrinin icrasının sürətləndirilməsi zəruridir.
Onlarla kəndin içməli su tələbatının sistern vasitəsilə ödənilməsi Xəlxalın kənd ərazilərində infrastruktur çətinliklərinin davam etdiyini göstərir; son illərdə su ehtiyatlarının azalması və investisiya çatışmazlığı ilə bu çətinliklər daha da kəskinləşib.
