ABŞ prezidenti Donald Tramp İslam Respublikasının liderlərini ikiüzlülükdə ittiham edib. O yazıb ki, onlar görüş keçirmək istəyiblər, danışıqlar başlayıb və yeni görüşlər də yoldadır, lakin eyni zamanda açıq şəkildə heç bir danışığın getmədiyini və yalnız Ömanla təmasda olduqlarını bildirirlər.
Tramp Tehranın Hörmüz boğazını müstəqil şəkildə idarə etməsi barədə iddialarını rədd edib və bildirib ki, bu su yolu tamamilə ABŞ hərbi-dəniz qüvvələrinin nəzarəti və bəzilərinin "ABŞ-ın polad divarı" adlandırdığı mühasirə altındadır. Onun sözlərinə görə, Vaşinqton istəmədiyi müddətcə İrana heç nə çatmır; bu, sazişə və ya tam təslim olmağa qədər davam edəcək.
ABŞ prezidenti əlavə edib ki, məsələ İslam Respublikasının onilliklər boyu yaratdığı problemin həllindən ibarətdir və vurğulayıb ki, İran heç vaxt nüvə silahına sahib olmayacaq.
