Təbriz–Urmiyə avtomagistralının üçüncü hissəsində icra əməliyyatları texniki maneələrin qismən aradan qaldırılması və qazıma üçün lazımi materialların təmin edilməsinin ardından daha sürətli şəkildə davam etdirilir.
Şərqi Azərbaycan ostandarı Bəhram Sərmət layihəyə baxış zamanı cənub tunelinin partlayış əməliyyatına başlanılması və yolun açılması üçün göstəriş verib. O bildirib ki, tunellərin qazılmasında əvvəlki baxışdan bəri əhəmiyyətli irəliləyiş əldə edilib və əməliyyatları yavaşladan problemlər müəyyən qədər aradan qaldırılıb.
Bu magistralın tamamlanması Təbriz ilə Urmiyə arasındakı məsafəni qısaltmaqla yanaşı, müharibə şəraiti və mümkün böhran hallarında texnika və qüvvələrin ötürülməsi üçün mühüm bir marşrut kimi istifadə edilə bilər, həmçinin Şərqi və Qərbi Azərbaycan arasındakı quru əlaqəsini gücləndirə bilər.
Sərmət bildirib ki, layihənin investoru üçüncü hissəni mümkün olan ən qısa müddətdə istifadəyə hazır vəziyyətə gətirəcəyini vəd edib.
