İran qəzetinə istinadən, məhkəmə hakimiyyətinin müavini Hadi Sadəqi bildirib ki, indiyədək qadınlar üçün motosiklet sürücülük vəsiqəsinin verilməsinə dair heç bir qanun qəbul edilməyib, lakin belə bir qanun qəbul edilərsə, məhkəmə hakimiyyəti buna qəti surətdə razılıq verəcək.
O vurğulayıb ki, şəriət baxımından qadınların motosiklet sürməsinə heç bir maneə yoxdur və bəzi fəqihlərin ehtiyatlı mövqeyi yalnız hicabla bağlı narahatlıqdan qaynaqlanır, motosiklet sürməyin özündən deyil.
Sadəqi həmçinin parlament deputatlarından bu məsələni tam həll etmək üçün qanunu bir an əvvəl dəyişdirmələrini xahiş edib.
Bundan əvvəl isə prezident aparatının parlament üzrə müavini Kazım Dəlxoş da qadınların motosiklet sürməsini qanunlaşdırmaq məqsədilə müvafiq layihənin parlamentə göndərildiyini xəbər vermişdi.
