ABŞ Prezidenti Donald Trampın gələn ay Ankarada keçiriləcək NATO sammitində iştirak edəcəyi gözlənilir. Sammitə Türkiyə ev sahibliyi edəcək.
Bloomberg-in məlumatına görə, Türkiyə sammit ərəfəsində Ankaranın təhlükəsizliyini ən yüksək səviyyəyə çatdırır. Paytaxtın müdafiəsi üçün yerli istehsal olan qısa və orta mənzilli hava hücumundan müdafiə sistemləri aktiv döyüş hazırlığı vəziyyətinə gətiriləcək.
Bununla yanaşı, F-16 qırıcılarından ibarət aviasiya qüvvələri Ankara səmasında ən yüksək hazırlıq səviyyəsində növbə çəkəcək. Sammitin təhlükəsizliyinin təmin olunması üçün 40 mindən çox təhlükəsizlik əməkdaşının cəlb ediləcəyi bildirilir.
