ایران جومهورباشقانی مسعود پزشکیان، آمریکا ایله ساواشین سونا چاتدیرلمالی اولدوغونا دایر اؤنجهکی توتومونو بیر داها تکرار ائتدی
پزشکیان «ساواش هر زامان چؤزوم دئییل. ال ایله آچیلا بیلهجک دویونو دیشله آچماغا چالیشماق گَرهک دئییل.»-دئدی.
پزشکیان ۴ شهریور چارشنبه گونو عمومی بیر مراسیمده دانیشاراق ایرانی یئنه «مئیدانین غالیبی» آدلاندیردی. آنجاق بو کریزدن «عاغیل و تدبیرله» چیخماغین مومکون اولدوغونو سؤیلهدی.
پزشکیان ۴۰ گونلوک ساواشدان سونرا ایران و آمریکا ساواشی دایاندیرماق و سونا چاتدیرماق اوچون گؤروشمهلره باشلاماق قونوسوندا موطابیقت ایمضالامیشدی. آنجاق هورموز بوغازیندا گرگینلیک یئنیدن یوکسلدیکدن سونرا بو موطابیقت داغیلدی و ایکی طرفین گؤروشمهلری ان آزی آچیق شکیلده دایاندی.
پزشکیان باریشی مودافیعه ائدرکن شیعهلرین بیرینجی ایمامی علی بن ابیطالبین مالک اشتره یازدیغی سؤزلرینه ایشاره ائتدی. «دوشمنین تکلیف ائتدیگی و تانرینین ریضاسی اولان باریشی رد ائتمه؛ چونکی باریش عسگرلره راحاتلیق، خالقا و بازارا گوونلیک گتیرر.» دئیه؛ او نقل ائتدی.
او عئینی زاماندا باریشی قبول ائتمک قارشی طرفه گوونمک دئمک دئییل. موطابیقتدن سونرا دا موحتمل آنی هوجوما قارشی آییق قالماق لازیمدیر. دئیه وورغولادی.
