آراز نیوزون ایلنادان نقل ائتدیگینه گؤره، پوردهقان بیلدیریب کی، ایللیک انفلاسیون تقریباً ۶۸ - ۷۰ فاییزه، یئیهجک اورونلریندهکی انفلاسیون ایسه ۱۳۰ فاییزه چاتیب و بیر چوخ ایشچی، کارمند و امکلینین اورتالاما آیلیغی آرتیق آیدا یالنیز ۱۰۰ - ۱۲۰ دلار سَوییهسیندهدیر.
او عینی زاماندا ادعا ائدیب اقتصاددا «حؤکومتین ایندیکی بودجهسینین اوچ قاتینا یاخین» پول واردیر، آنجاق بو پولون دَیَری چوخ سرت شکیلده دوشوب.
بو مجلس نمایندهسی حؤکومتی «گوندلیک ایشلره باتمیش» و «درین یوخودا» اولاراق توصیف ائدیب و خبردارلیق ائدیب کی، حؤکومت اقتصادی بحرانلاری کنترول ائتمک اوچون بیر پلان اورتایا قویماسا، مجلس اؤز نظارت آراجلاریندان یارارلاناجاق.
