آذربایجان جومهور باشقانینین یاردیمجیسی وورغولادی کی، تورکیه وطنداشلاری آذربایجاندا «توریست» ساییلمیر و بو اؤلکهنین عایلهسینین بیر پارچاسیدیر.
آراز نیوزون خبرینه گؤره، آذربایجان جومهور باشقانینین یاردیمجیسی و جومهور باشقانی ایدارهسینین خاریجی سیاست شعبهسینین مودورو حکمت حاجییئو دئییب: «تورکیهدن آذربایجانا گلنلری توریست گؤرموروک؛ اونلار اؤز ائولرینه و قارداشلارینین یانینا گلیبلر.»
او همچنین علاوه ائدیب: «بیزیم باشقا عایلهمیز یوخدور؛ تورک دونیاسی بیزیم عایلهمیزدیر.»
بو آچیقلامالار باکینین آنکارا ایله استراتژیک ایلیشکیلره و تورک دونیاسیندا امکداشلیغین گوجلندیریلمهسینه وئردیگی اؤنمین چرچیوهسینده سؤیلهنیب؛ بو یاناشمانی هر ایکی اؤلکهنین رسمیلری سون ایللرده دفعهلرله وورغولاییبلار.
