Benzinin üçüncü tarif qiymətinin mövsümi olaraq dəyişəcəyi və yanacaqdoldurma məntəqələrindəki yanacaq kartlarının yığışdırılacağı barədə söz-söhbətdən sonra yanacaqdoldurma məntəqələrində, xüsusilə İranın cənub bölgələrində uzun avtomobil növbələri yaranıb. Məntəqələrə axın Enerjinin Optimallaşdırılması və Strateji İdarəetmə Təşkilatının rəhbəri İsmayıl Səqqab İsfahaninin açıqlamasından sonra başlayıb.
Səqqab İsfahani bildirib ki, bəzi əyalətlərdə məntəqələrin kartları hələ də istifadədədir, lakin bir sıra sərhəd əyalətlərində bu kartlar yığışdırılıb. Hazırda benzinin üçüncü tarif qiyməti litri 10 min tüməndir və onun sözlərinə görə, bu qiymət neftayırma zavodlarından alış qiymətinə uyğun olaraq dəyişə bilər.
Bu arada prezidentin birinci müavini Məhəmmədrza Aref dövlət rəsmilərini benzinlə bağlı qərarlar yekunlaşmamış açıqlama verməməyə çağırıb.
