İran daxilindən Fairford hava bazasına hücum planlaşdırmaqda təqsirləndirilən Məhəmmədəli əl-Həsəni ötən ay milli təhlükəsizlik səbəbləri ilə Britaniya vətəndaşlığından məhrum edilib. Böyük Britaniyanın daxili işlər naziri Şabana Mahmud bu qərarı ona məktubla bildirmişdi.
ABŞ rəsmilərinin sözlərinə görə, İraq vətəndaşlığı da olan əl-Həsəni avqust və sentyabr aylarında bazada kəşfiyyat aparmaq, avtomobil və yanacaq tədarük etmək üçün adamlar muzdla tutub. ABŞ Ədliyyə Nazirliyi çərşənbə axşamı ona və digər iki təqsirləndirilən şəxsə, Möhsün Mühaciri və Məhəmmədbaqir Səd Davud əs-Saidiyə qarşı ittiham aktı çıxarıb.
Bu üç nəfər İslam İnqilabı Keşikçiləri Korpusu (SEPAH) və İraq Hizbullah Kətaibi ilə əməkdaşlıqda, eləcə də Avropada təxminən 18 hücum və hücum planında rol oynamaqda ittiham olunur. ABŞ Fairford planı aşkarlandıqdan sonra bombardmançı təyyarələrini bu bazadan çıxarıb; İslam Respublikası isə hər hansı müdaxiləni rədd edib.
