İslam Respublikasının Keşikçilər Korpusu (SEPAH) Bəhreyndə ABŞ ordusuna məxsus erkən xəbərdarlıq radarını hədəfə aldığını açıqlayıb. Bu iddia təsdiqlənərsə, regionda hərbi gərginliyin yenidən artmasına səbəb ola bilər.
Reuters agentliyinin xəbərinə görə, SEPAH cümə günü, noyabrın 13-də bu hücumun Hörmüzqan əyalətinin Sirik rayonunda rabitə qülləsinin hədəfə alınmasına cavab olaraq həyata keçirildiyini iddia edib.
Bu, sentyabrın əvvəlindən bəri SEPAH-ın Körfəz ölkələrindəki ABŞ hərbi obyektlərinə hücumla bağlı ilk iddiasıdır. İddia Tehran ilə Vaşinqton arasındakı toqquşmaların müəyyən qədər səngidiyi bir vaxtda irəli sürülüb.
Reuters-in xəbəri yayımlanana qədər ABŞ və Bəhreyn rəsmiləri bu iddiaya münasibət bildirməyib, radara ziyan dəydiyi də müstəqil şəkildə təsdiqlənməyib.
