«Atom bombasından da üstün» – Ərdəbilin cümə imamı Həsən Amili ABŞ-dakı aralıq seçkilərin nəticəsini və Donald Trampın «süqutu» adlandırdığı vəziyyəti belə təsvir edib. Amili cümə günü, noyabrın 6-da bu şəhərdə cümə namazının xütbələrində həmin nəticəni «Allahın intiqamının» və «bizim intiqamımızın» bir hissəsi adlandırıb. O, bütün dünyanın Trampın məğlubiyyətini bayram etdiyini iddia edib.
Onun sözlərinə görə, «başqa bir intiqam» da alınıb, çünki Tramp hazırda bir neçə tərəfdən ən sərt qınaq və töhmətlərlə üzləşir. Ərdəbilin cümə imamı açıq şəkildə əlavə edib: «Biz Tramp üçün ölüm arzulayırdıq, lakin Allah onun qismətinə ölümdən də betərini yazdı».
Amili iddia edib ki, Tramp bu məğlubiyyətdən sonra «hər an ölür və ölüm axtarır». O, bu vəziyyəti ötən isfənd ayında öldürülən İslam Respublikasının sabiq rəhbəri Əli Xameneyinin «qanının» təsiri kimi dəyərləndirib.
