Danışıqlardan xəbərdar olan bir amerikalı rəsmi və bir diplomat "The Times of Israel" nəşrinə bildiriblər ki, İslam Respublikasının danışıqçıları Tehranın nüvə proqramının məhdudlaşdırılmasına dair təklifləri nəzərdən keçirirlər. Tehran bundan əvvəl bu məsələni hətta müzakirə etməyə belə hazır deyildi. Nüvə proqramı İslam Respublikası ilə ABŞ arasındakı qarşıdurmanın mərkəzində dayanır.
Həmin iki şəxsin sözlərinə görə, Qətər vasitəçiləri bu təklifləri ötən həftə Tehranda və Dohada keçirilən bir neçə danışıq raundunda təqdim ediblər.
Diplomat əlavə edib ki, təkliflər nüvə proqramının tamamilə ləğv edilməsini nəzərdə tutmur, lakin yüksək dərəcədə zənginləşdirilmiş uran ehtiyatlarının taleyini müəyyənləşdirir. Onun sözlərinə görə, bu təklifləri qəbul edəcəyi təqdirdə İslam Respublikası ABŞ sanksiyalarının əhəmiyyətli dərəcədə yumşaldılmasından faydalanacaq.
