Hindistanda İslam Respublikasının kölgə donanmasına aid neft tankerlərini saxta bayraq və etibarsız dəniz sertifikatları ilə təmin edən şəbəkə ABŞ-ın yeni sanksiyalarının hədəfinə çevrilib. Türkiyədə fəaliyyət göstərən bir hava limanı yerüstü xidmət şirkəti də çərşənbə günü, noyabrın 4-də İslam Respublikasının sanksiyaya məruz qalmış aviaşirkətləri ilə əməkdaşlığa görə bu siyahıya əlavə edilib.
ABŞ Maliyyə Nazirliyinin məlumatına görə, şəbəkəni Sunil Kumar Şarma və həyat yoldaşı Casprit Priti Şahid idarə edir. Bu cütlük şirkətlər və gəmi qeydiyyatı mərkəzlərindən ibarət şəbəkə vasitəsilə İran neftini daşıyan gəmilər üçün saxta bayraq və sənədlər hazırlayırdı. Bu gəmilərin bir qismi İslam Respublikasının hərbi qüvvələri və onlara bağlı qruplar adından fəaliyyət göstərirdi.
Adı çəkilən şəbəkə Qayana, Esvatini və Laos kimi ölkələrin gəmi qeydiyyatı orqanlarının adından saxta şəkildə çıxış etməklə sanksiyaya məruz qalmış tankerlərin beynəlxalq məhdudiyyətlərdən yayınmasına imkan yaradırdı. Sinqapurda qeydiyyatdan keçmiş və bu şəbəkə ilə əlaqəli «Eswatini Maritime Affairs and International Ship Registry» şirkəti də sanksiya siyahısına salınıb.
