Birləşmiş Ərəb Əmirliklərinin energetika naziri Süheyl əl-Məzrui ABŞ və İsrailin İslam Respublikası ilə münaqişəsinin gələcəyinin qeyri-müəyyən olmasına baxmayaraq, ölkəsinin yeni müharibə mərhələsinin fəsadlarına qarşı mübarizəyə daha hazırlıqlı olduğunu bildirib.
Reuters agentliyinin məlumatına görə, əl-Məzrui 2 noyabr, bazar ertəsi Abu-Dabi Beynəlxalq Energetika Sərgisinin kuluarlarında deyib ki, BƏƏ energetika infrastrukturunun qorunmasına, neft ixracı üçün alternativ marşrutların inkişafına və saxlama tutumunun artırılmasına sərmayə yatırır.
Eyni zamanda, ABŞ-ın İslam Respublikasına mümkün hücumları və Tehranın hərbi cavabı ilə bağlı narahatlıq regionda təhlükəsizlik vəziyyətini gərginləşdirib. Belə ki, «ExxonMobil» və «Chevron» neft şirkətlərinin yüksək vəzifəli rəhbərləri Abu-Dabiyə səfərlərini ləğv ediblər.
BƏƏ prezidentinin diplomatik müşaviri Ənvər Qərqaş da ölkəsinin hələ də diplomatik həll yolu tapılacağına ümid etdiyini, lakin ən pis ssenariyə hazırlaşdığını vurğulayıb.
