İsrailin Kanal 14 telekanalı İslam Respublikasının və Qətərin nümayəndələri arasında keçirilən məxfi danışıqlarda iştirak edən mənbəyə istinadən xəbər verib ki, Dohadakı danışıqlar nəzərəçarpacaq irəliləyiş əldə olunmadan başa çatıb.
Kanal 14-ün məlumatına görə, telekanalın İran məsələləri üzrə müxbiri Dror Blazade bildirib ki, Hörmüz boğazı məsələsində müəyyən qədər güzəştə getməyə hazır olduğunu göstərsə də, Tehran danışıqların irəliləməsinə mane olan tələblərində israr etməkdə davam edir.
Adı açıqlanmayan mənbə deyib: «İran bir santimetr belə geri çəkilməyib. İran heyətinin üzvləri hətta nə yeməyə icazələri olduğuna belə özləri qərar verə bilmirlər; ABŞ ilə razılaşma barədə necə qərar verəcəklər?»
O, həmçinin iddia edib ki, hazırkı proses hərbi qarşıdurmaya gətirib çıxaracaq, nə vaxt və necə addım atılması barədə son qərarı isə Donald Tramp verəcək.
