İslam Respublikasının xarici işlər naziri Abbas Əraqçinin «dağıdıcı zərbə» endirmək təhdidi Almaniya mediasında sərt reaksiyaya səbəb olub. Bu media orqanları onun sözlərini Avropaya qarşı hərbi təhdid kimi qiymətləndirib. Əraqçi bu mesajı Almaniya kanslerinə cavab olaraq yayımlamışdı.
Almaniya kansleri bundan əvvəl enerji qiymətlərindəki kəskin artımın Avropa şirkətlərinə və istehlakçılarına 100 milyard avrodan çox xərc yüklədiyini bildirmişdi. O, həmçinin regionda münaqişəyə son qoyulmasına çağırmışdı.
Əraqçi cavabında yazıb ki, bu rəqəm İslam Respublikası silahlı qüvvələrinin endirəcəyi «dağıdıcı zərbə» ilə müqayisədə «heç nədir». Onun sözlərinə görə, bu zərbə İran xalqına «zərər vurmağa cürət edənlərə» yönələcək.
