İsrailin Mərkəzi Seçki Komitəsi cümə axşamı bütün səslərin sayılmasının başa çatdığını elan edib. "Globes" qəzetinin xəbərinə görə, Knessetin 120 mandatından Benyamin Netanyahunun rəhbərlik etdiyi hakim koalisiya 53, müxalifətin "Dəyişiklik bloku" isə 48 mandat qazanıb. Onlardan heç biri parlament çoxluğu üçün tələb olunan 61 mandat həddinə çata bilməyib.
Ərəb partiyalarının payı əvvəlki parlamentdəki 10 mandatdan 19 mandata yüksəlib: Ərəb Birgə Siyahısı 11, Raam partiyası isə 8 mandat əldə edib. "Likud" 27 mandatla birinci, Qadi Ayzenkotun rəhbərlik etdiyi "Yaşar" partiyası isə 21 mandatla ikinci olub. Dini "Şas" partiyası da 6 mandatla 1992-ci ildən bəri ən zəif nəticəsini qeydə alıb.
Bu seçkilərdə 5 milyon 589 min 836 səs verilib. Rəsmi nəticələr hüquqi yoxlamalardan sonra, noyabrın 4-də, çərşənbə günü elan olunacaq.
