Azərbaycan Respublikası və UNESCO təhsil, süni intellekt, mədəni irs və davamlı turizm sahələrində əməkdaşlığın gücləndirilməsini müzakirə ediblər.
AZƏRTAC-ın məlumatına görə, Azərbaycan Respublikasının xarici işlər nazirinin müavini Elnur Məmmədov Bakıda UNESCO-nun baş direktorunun müavini Asa Reqner ilə görüşüb.
Görüşdə Elnur Məmmədov Azərbaycan Respublikasının 2025-2028-ci illər üçün süni intellekt strategiyası və dövlət xidmətlərinin rəqəmsallaşdırılması üzrə proqramları barədə məlumat verib.
UNESCO-nun baş direktorunun müavini isə Mədəniyyətlərarası Dialoq üzrə Ümumdünya Forumunun Bakıda keçirilməsinə görə minnətdarlığını bildirərək, Azərbaycan Respublikasının qızların təhsilinə, gender bərabərliyinə və Afrika ölkələrinin inkişaf proqramlarına verdiyi dəstəyi yüksək qiymətləndirib.
