"Financial Times"ın məlumatına görə, ABŞ-ın BMT-dəki səfiri Mayk Uolts Vaşinqtonun İran limanlarının dəniz blokadasını proqnozlaşdırıla bilən gələcəkdə də davam etdirmək imkanına malik olduğunu və İslam Respublikasına qarşı iqtisadi təzyiqləri gücləndirəcəyini bildirib.
Uolts nüvə məsələsindəki dalanın və Hörmüz boğazında gəmiçilikdəki pozuntuların bir il ərzində davam etməsi ehtimalı ilə bağlı suala cavab verərkən qəti fikir bildirməkdən çəkinib, lakin Tehranın bundan əvvəl ciddi danışıqlara başlayacağına ümid etdiyini ifadə edib.
Eyni zamanda, İran parlamentinin Milli Təhlükəsizlik Komissiyasının üzvü Fəda Hüseyn Maleki Rusiyanın RİA Novosti agentliyinə müsahibəsində xəbərdarlıq edib ki, müharibə yenidən başlayacağı təqdirdə region ölkələrinin ABŞ qüvvələrinə dəstəyi düşmənçilik addımı kimi qiymətləndiriləcək.
O hədələyib ki, İslam Respublikasının cavabı bu ölkələrin ərazisindəki ABŞ hərbi bazalarına hücumla məhdudlaşmaya bilər.
