Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevlə telefonla danışıb. Türkiyə Prezidentliyinin Kommunikasiya İdarəsinin məlumatına görə, iki lider ikitərəfli münasibətləri, həmçinin regionda və dünyada baş verən hadisələri müzakirə edib.
Ərdoğan bildirib ki, Türkiyə və Azərbaycan qardaşlıq bağlarına əsaslanaraq əməkdaşlığı daha yüksək səviyyəyə qaldırır. O, Azərbaycanın müstəqilliyinin 35-ci ildönümünü də bir daha təbrik edib.
Türkiyə Prezidenti telefon danışığı zamanı Əliyevi Türk Dövlətləri Təşkilatının 13-cü Zirvə görüşünə dəvət edib. Görüş Ankarada keçiriləcək.
