İran İslam Respublikasının neft naziri Möhsün Paknejad bazar günü vəzifəsindən istefa verib, İran prezidenti Məsud Pezeşkiyan isə onun istefasını qəbul edib.
Eyni zamanda, Pezeşkiyan imzaladığı fərmanla İran Milli Neft Şirkətinin baş direktoru Həmid Bovardı Neft Nazirliyinin müvəqqəti rəhbəri təyin edib. Hökumət hələlik Paknejadın istefasının rəsmi səbəbini açıqlamayıb.
Neft Nazirliyinin rəhbərliyində dəyişiklik İranın neft sənayesinin müharibənin yaratdığı təzyiqlər, ixrac məhdudiyyətləri və ABŞ-ın blokadası ilə üz-üzə qaldığı bir şəraitdə baş verir.
Paknejad təxminən bir ay əvvəl İranın blokada şəraitində neft ixracını davam etdirmək üçün müxtəlif yollardan istifadə etdiyini bildirmişdi.
