"The Wall Street Journal" qəzetinin məlumatına görə, "Kpler" izləmə şirkəti hesablayıb ki, bu üzən ehtiyatlar iyulun ortalarındakı təxminən 90 milyon bareldən 29 milyon barelə yaxın səviyyəyə enib. Bu neftin böyük hissəsi hələ də Çinə təhvil verilir.
Bu hesablamaya əsasən, neft tədarükü hazırkı templə, gündəlik təxminən 1 milyon barel həcmində davam edərsə, İranın blokada zonasından kənarda satıla bilən ehtiyatları oktyabrın ortalarına qədər tükənəcək. "The Wall Street Journal" həmçinin yazıb ki, əvvəlcədən satılmış yüklərdən əldə olunan gəlirlər də dekabrın ortalarına qədər kəskin azala bilər.
"Kpler" bildirib ki, iyulun ortalarında dəniz blokadası gücləndirildikdən bəri körfəzin daxilində yeni yüklənmiş xam neft xarici bazarlara çatdırıla bilməyib. Bu isə İslam Respublikasının ən mühüm valyuta gəliri mənbələrindən birinə təzyiqi artırıb.
