Türkiyənin Xarici İşlər Nazirliyi şənbə günü, sentyabrın 12-də, yaydığı bəyanatla İraq ərazisindən Səudiyyə Ərəbistanına qarşı həyata keçirilən dron hücumlarını sərt şəkildə pislədiyini bildirib və Ankaranın Səudiyyə Ərəbistanının suverenliyi və ərazi bütövlüyünə dəstəyini bir daha vurğulayıb.
Türkiyənin Xarici İşlər Nazirliyi 176 nömrəli bəyanatında Səudiyyə Ərəbistanı rəsmilərinin "regionda gərginliyin artmasının qarşısını almaq üçün nümayiş etdirdiyi təmkinli yanaşma"nı alqışladığını açıqlayıb. Ankara həmçinin İraq hökumətinin hücumların ölçüsünü aydınlaşdırmaq və törədənləri müəyyən etmək məqsədilə dərhal araşdırmaya başlamaq qərarını dəstəklədiyini bildirib.
Türkiyə daha sonra regionun sabitliyini və təhlükəsizliyini təhdid edən hücumların bir an əvvəl sona çatmasını tələb edib və tərəfləri gərginliyin artmasına səbəb ola biləcək addımlardan çəkinməyə çağırıb. Bu mövqe Səudiyyə Ərəbistanının İraqdan atılan bir neçə dronun ölkənin Riyad və Mədinə bölgələrindəki strateji Şərq-Qərb boru kəmərini hədəf aldığını və bunun nəticəsində bir sıra insanların yaralandığını, həmçinin ziyan dəydiyini təsdiqləməsindən sonra açıqlanıb. İraq da hücumların öz ərazisindən həyata keçirildiyini bildirərək araşdırmaya başladığını açıqlayıb. Tramp isə bu hücumun arxasında ehtimal ki, İranın dayandığını söyləyib.
