İsrailin Milli Təhlükəsizlik Şurasının bir məsulu iddia edib ki, İslam Respublikası rejimin müxaliflərini, jurnalistləri, yəhudiləri və İsrail vətəndaşlarını hədəf almaq cəhdlərini artırıb və onun sərhədxarici hücumlar həyata keçirən əməliyyat bölmələri xeyli fəallaşıb.
O, 15 şəhrivər (6 sentyabr) bazar günü xəbərdarlıq edib ki, İslam Respublikası hesab edir ki, rejimin müxalifləri və xaricdəki İran jurnalistləri "tam təhlükəsizlik dəstəyindən" məhrumdurlar və rejim bu vəziyyətdən onlara qarşı əməliyyatların planlaşdırılması və həyata keçirilməsi üçün istifadə edir.
Bu təhlükəsizlik məsulunun sözlərinə görə, yəhudiləri və israillıları hədəf almaq üçün fəaliyyət göstərən bölmələr İslam Respublikasının müxalifləri və İran jurnalistlərinə qarşı əməliyyatların planlaşdırılmasında da rol oynayır.
O, Azərbaycanı, Türkiyəni və Birləşmiş Ərəb Əmirliklərini İsrail vətəndaşları üçün yüksək riskli ölkələr sırasına daxil edib və əlavə edib ki, bir neçə Avropa ölkəsi də İslam Respublikasının müxalifləri üçün yüksək riskli qiymətləndirilir.
Daha əvvəl, 4 şəhrivərdə (26 avqust), İslam Respublikasının silahlı qüvvələrinin baş sözçüsü Əbülfəzl Şəkərçi hədə-qorxu gələrək bildirmişdi ki, rejimə qarşı olan media əməkdaşları "hərbi hədəflər bankına" daxil edilə bilər.
