ABŞ prezidenti Donald Tramp bildirib ki, İran rejimi ilə hazırda heç bir danışıq və ya dialoq aparılmır və gələcək üçün də hər hansı danışıq planlaşdırılmayıb.
Tramp Truth Social şəbəkəsində yazdığı mesajda İranın dəniz mühasirəsinin "bütün gücü ilə" davam etdiyini bildirib və iddia edib ki, Hörmüz boğazı açıq və fəaliyyətdədir, regiondakı bütün dəniz minaları ya toplanıb, ya da partladılıb.
Bu açıqlamalar elə bir vaxtda səslənir ki, Tehran çərşənbə günü bəyan edib ki, Vaşinqton limanların mühasirəsinin aradan qaldırılması və neft sanksiyalarının ləğvi daxil olmaqla İranın şərtlərini qəbul etmədiyi müddətcə Hörmüz boğazı açılmayacaq. Beləliklə, Trampın "Hörmüz boğazının açıq olması" barədə iddiası Tehranın rəsmi mövqeyi ilə ziddiyyət təşkil edir.
Trampın yeni açıqlamaları həmçinin Vaşinqton və Tehran arasındakı razılaşmanın 60 günlük müddətinin başa çatmasından sonra səslənib; bu proses yekun sazişə çatmadan başa çatıb və hər iki tərəf danışıqların uğursuzluğunda bir-birini günahlandırır.
