BƏƏ-nin ADNOC neft şirkəti bildirib ki, müharibənin başlanğıcından bəri şirkətə məxsus 15 gəmi İranın raket və dronlarının hədəfinə çevrilib. Bu hücumlardan üçü yalnız cari həftədə baş verib.
ADNOC-un məlumatına görə, bu hücumlar nəticəsində bir ekipaj üzvü həlak olub, daha 20 nəfər isə yaralanıb. Şirkət bildirir ki, ardıcıl hücumlara baxmayaraq, xam neft, LNG və neft məhsullarının ixracını davam etdirir.
Müharibədən əvvəl dünyada istehlak olunan neftin təxminən 20 faizi Hörmüz boğazından keçirdi. Gəmilərə edilən hücumlar sığorta və daşınma xərclərini artırıb, bəzi gəmi sahiblərini isə körfəzə daxil olmaqdan çəkindirib.
ADNOC məhz bu təhlükəsizlik şəraitində ixrac gücünü artırmaq üçün dəyəri təxminən 1,3 milyard dollar olan 11 nəhəng neft və qaz daşıyan gəminin alınmasını açıqlayıb.
