Ticaret News-a istinadən, Əsaluyyə neft emalı zavodu və Cənubi Pars qaz sahəsinin qurğuları İsfənd ayının 26-da hücuma məruz qaldı və ölkənin qaz istehsal gücünün bir hissəsi məhv oldu. Hökumətin sözçüsü Fatimə Mühacərani bildirib ki, bu hücumlar nəticəsində ölkənin qaz təchizatı gücündən təxminən 230 milyon kubmetr itirilmişdir. Mütəxəssislərin sözlərinə görə, qaz istehsalı təxminən 750 milyon kubmetrdən 500 milyon kubmetrə yaxın bir həddə enmişdir.
Hesabata görə, əvvəlki 400 milyon kubmetrliq balanssızlıq və müharibə zamanı itirilən 230 milyon kubmetrliq istehsal gücü nəzərə alındıqda, ölkənin ümumi qaz kəsiri gündə təxminən 630 milyon kubmetrə çatmışdır.
Neft, Qaz və Petrokimya İxracatçıları İttifaqının sözçüsü Həmid Hüseyni xəbərdarlıq edib ki, yeni tədris ilində məktəb və universitetlər həftənin böyük hissəsini virtual şəkildə keçirə bilər, cəmi bir və ya iki gün əyani təhsilə ayrıla bilər. Virtual təhsil keçən il əyani təhsilə qayıtmağı tələb edən tələbələrin geniş tənqidləri ilə üzləşmişdi.
Sənaye sektorunda isə Sənaye, Mədən və Ticarət Nazirliyinin planlaşdırma üzrə nazir müavini Səid Şücai xəbərdarlıq edib ki, qaz balanssızlığının həlli üçün təcili tədbirlər görülməsə, ölkə ilin ikinci yarısında "700 min nəfərlik işsizlik sunamisi" ilə üzləşəcəkdir. Müharibə dövründə geniş fəaliyyət dayanması və durğunluğa məruz qalan enerjitutumlu sənaye sahələri qaz istehlakı məhdudiyyətlərinin ilk qurbanları olacaqdır.
