Xəbərə görə, Xəzər bölgəsində davam edən müharibə gözləntilərin əksinə olaraq Çinin mövqeyini zəiflətmək əvəzinə gücləndirə bilər.

ArazNews-un Financial Times-a istinadən verdiyi məlumata görə, dünyanın ən böyük neft idxalçısı olan Çin bu cür böhranlara əvvəlcədən hazırlaşıb. Böyük enerji ehtiyatları, mənbələrin diversifikasiyası və bərpa olunan enerji sahəsinə geniş investisiyalar sayəsində Pekin riskli marşrutlara, o cümlədən Hörmüz boğazına asılılığını azaldıb. Qiymətləndirmələrə görə, Çinin enerji istehlakının yalnız təxminən 6 faizi bu marşrutdan asılıdır.

Hesabatda qeyd olunur ki, müharibə Pekin üçün yeni iqtisadi və geosiyasi imkanlar yarada bilər. Enerji qiymətlərinə nəzarət hesabına ixrac rəqabətinin artması, yaşıl texnologiyalar bazarında rolunun güclənməsi və enerji ticarətində dolların mövqeyinin zəifləməsi bu imkanlar arasındadır.

Analitiklər həmçinin bildirir ki, ABŞ-ın hərbi sənayesinin Çin istehsalı nadir elementlərdən asılılığı uzunmüddətli müharibə şəraitində Pekin üçün əlavə təzyiq alətinə çevrilə bilər. Bu isə göstərir ki, mövcud münaqişə bəzi proqnozların əksinə olaraq Çinin qlobal mövqeyini gücləndirə bilər.