ArazNews-un Reuters-ə istinadən verdiyi məlumata görə, ABŞ prezidenti Donald Tramp İran rejimini müharibə ilə bağlı saxta məlumatlar yaymaq üçün süni intellektdən istifadə etməkdə ittiham edib.

Tramp bildirib ki, İran süni intellekti “dezinformasiya silahı” kimi istifadə edərək müharibənin reallıqlarını təhrif etməyə çalışır. O, Air Force One təyyarəsində jurnalistlərə deyib ki, süni intellekt çox təhlükəli ola bilər və bu texnologiyaya ehtiyatla yanaşmaq lazımdır.

Tramp həmçinin Truth Social sosial şəbəkəsində yazıb ki, bəzi Qərb mediası da bu yanlış məlumatların yayılmasında İranla koordinasiyalı şəkildə hərəkət edir.

Onun sözlərinə görə, İran süni intellektdən istifadə edərək ABŞ-ın “Abraham Lincoln” təyyarədaşıyan gəmisinə hücum edildiyini göstərən saxta görüntülər və İranda hakimiyyətə dəstək mitinqlərini şişirdilmiş şəkildə təqdim edən fotolar yayıb.