Türkiyə Prezidenti Rəcəb Tayyib Ərdoğan bildirib ki, Ankara hökuməti ölkəni müharibəyə sürükləmək məqsədi daşıyan hər cür təxribat və planlara qarşı son dərəcə ehtiyatlı davranır və Türkiyəni regional münaqişələrdən uzaq saxlamaq əsas prioritetdir.

ArazNews-un məlumatına görə, Ərdoğan çıxışında deyib ki, Türkiyə dövləti “ölkəni müharibəyə çəkmək istəyən tələlərə, planlara və təxribatlara” qarşı çox diqqətlə hərəkət edir. O həmçinin vətəndaşları İrana qarşı hücumlarla eyni vaxtda artdığı bildirilən məzhəb və etnik təxribatlara qarşı ayıq olmağa çağırıb.

Türkiyə prezidenti vurğulayıb ki, daxili birlik və həmrəylik ölkənin müstəqilliyini və gələcəyini hədəf alan təhlükələrin qarşısını ala bilər.

Ərdoğan əlavə edib ki, Türkiyə Silahlı Qüvvələri ölkənin hava məkanına qarşı istənilən təhdidə lazımi cavabı verir və qeyd edib ki, “dünən gecə də hava məkanının mümkün pozulmasına qarşı müəyyən addımlar atılıb”.

O sonda bildirib: “Ölkəmizi bu müharibə odunun içindən uzaq saxlamaq bizim birinci prioritetimizdir.”