دوشنبه ۲۵ آبان ۱۴۰۵ 16 November 2026
Dünya

فرانسادا اعتراضلار آلوولاندی؛ رویترز: پولیسین شیددتی اینسانلاری داها دا قیزیشدیردی

فرانسادا اعتراضلار آلوولاندی؛ رویترز: پولیسین شیددتی اینسانلاری داها دا قیزیشدیردی

فرانسادا هر شئی اؤیرنجی‌لرین مکتبلردن شیکایتی ایله باشلادی. آنجاق اعتراضلار تئزلیکله بوتون اؤلکه‌یه یاییلدی؛ ایندی اینسانلار باهالیغا، پیسلشن عمومی خیدمتلره و امانوئل ماکرون حؤکومتینه قارشی خیابانلاردادیر.

آراز نیوزون، رویترزین ۱۴ نوامبردا یایدیغی آراشدیرمادان نقل ائتدیگینه گؤره، اعتراضلار سپتامبردا باشلادی. ۱۷ اکتبر گونو ایسه فرانسا سون ایللرین ان آغیر قاریشیقلیقلاریندان بیرینی یاشادی. او گون یاریم میلیوندان چوخ اینسان خیابانا چیخدی، اوچ مینه یاخین دوکان و ایش یئری تالان ائدیلدی.

رویترزه گؤره، اینسانلاری داها دا حیرصلندیرن پولیسین داورانیشی اولدو: گؤز یاشاردیجی گاز، توپلو حبسلر و یورویوشلره قویولان یاساقلار. فرانسانین نظارت قوروملاری پولیس زوراکیلیغی ایله باغلی ۱۶۱ آراشدیرما باشلادیب.

فرانسالی رسمیلر زوراکیلیغین بؤیوک حیصه‌سینی افراطچی سولچو گروهلارین و تالانچیلارین بوینونا یوکله‌ییرلر. آنجاق بعضی پولیس و استخبارات منبعلری رویترزه دئییب: بو گروهلارین اصل رول اوینادیغی هله ثبوت اولونمایب.

حؤکومت تحصیلی یاخشیلاشدیراجاغینا و معاشلاری آرتیراجاغینا سؤز وئرسه ده، ایشچی سندیکالاری و اؤیرنجی باشچیلاری بیر سؤزده‌دیرلر: اعتراضلار داوام ائده‌جک.

این خبر را با دیگران به اشتراک بگذارید